Normalerwiis isch dä Kolleg Essig en nervige Mitarbeiter. Dä Kolleg Essig Öpfelessig isch aber d‘Usnahm. Er isch dis top kompetente Arbets-Gschpönli ide Chuchi, wo mitdenkt, dich unterstützt, dir zuelost, wenns der schlecht gaht, sporadisch Gipfeli is Büro mitbringt und dir au mal e chlini Nackemassage verpasst, wenn d‘verspannt bisch. Okay, vilicht isches au eifach nur en sehr feine Öpfelessig, wo useme Wortspiel vom Zukkihund entstande isch.
Fein, fruchtig und gleichzeitig schön spritzig. Produziert von der Familie Peruch in Schaffhausen.